第二天：札幌市行街街

所到景點：札幌西武、雪印Parlor、時計台、北海道廳舊本廳舍、電視塔、蟹將軍、狸小路、味之時計台拉麵

晨早8時起床，沒法子﹐留在札幌只有一天時間，要到的地方太多太多，一定要爭取時間。吃過酒店的自助早餐便出動！

第一站：JR札幌站觀光案內所
- 因為我們往後的行程需要去小樽，Tomamu，登別及函館，所以先到這裡問問買Hokkaido Pass或是散買化算一點。如果行程並非要到很遠的地方，真係要計清楚先買Pass。就我今次行程來說，因為從札幌到登別的交通是酒店免費安排的可以省卻了不少錢，計落條數，散買JR買票的指定席比Pass非指定席更化算。
-另一新發現是：有一種叫Sapporo Otaru Welcome Pass (1500Yen@)非常化算，包括指定一天內從札幌JR到小樽JR 之間的站出入無限次 & 地下鐵車票一天無限搭 (任何一天也可以)。我們好後悔前一天花了400Yen來回去食拉麵橫丁，早知第二日用個Pass先去可以節省多800Yen了…
- 觀光案內所的服務員很好人，英文亦說得不錯，溝通絕對沒問題。

第二站：札幌西武

- 這裡有無印及Loft，暖笠笠慢慢行。
- 可是沒有什麼收穫，因為發覺價錢跟香港的無印沒太多分別，款式亦不見得多。最重要的是，穿得太多衣服，根本沒有心情買衫 (不想除幾十件衫走入去試身…)

第三站：雪印Parlor
- 位置就在札幌JR南口直落一兩條街，超易搵。
- 我們Order了Royal Special (650Yen) 及 芝士新地 (780Yen)。睇外表已經好吸引，食落更吸引！Royal Special真係好好好好好好味！唔好見佢外表咁平凡，味道濃得化不開，牛奶味在口腔內徘徊久久不散，真係好難以筆墨盡錄。一定要試！

- 在門口廚窗見到一個Jumbo新地叫"特大I am A No. 1"，足有成呎幾咁高，賣10500Yen，估計要十幾二個人先食得晒。結果，俾我地巧遇到一班日本女仔，為數只有8個人，Order了這個特大新地，半個小時內便吃掉了大部份。你睇佢地"狼"到要企喺度食…





第四站：時計台



- 雪印再走兩條街轉個彎便是時計台。這裡其實是個小小的建築物，沒有什麼特別。不過話晒都係札幌的地標之一，點都要嚟影幾張相o既。門前有個專俾人影相的地台，教你從這角度由下至上影便得出最好效果。你地覺得我影成點呢？



第五站：北海道廳舊本廳舍


- 四處都係白雪，將北海道廳舊本廳舍紅磚外牆襯托得很美…
- 看到這裡的地圖，我們估計，茫茫一片白雪下面應該是個湖。這裡夏天的景色必定更美。

第六站：札幌電視塔
- 用地下鐵One-day Pass坐車到大通站，往大通公園。可惜除了雪之外什麼也看不見…唯有在電視塔前拍拍照便走了。在電視塔前看到一大群肥白鴿，完全唔郁，就算有人行過，牠們都只是郁一郁又繼續唔郁，好懶喔！



第七站：Lunch @ 蟹將軍


- 來到北海道點可以不食蟹呢？蟹將軍門口大大隻蟹好易認。
- 中午有Lunch Set，抵好多。我地Order了其中一個lunch set (2730Yen) 及一客叫"神威"的松葉蟹壽喜燒套餐(4700Yen)
- 套餐有許多道菜：●前菜●蟹肉豆腐●酥炸蟹殼●松葉蟹生魚片●松葉蟹壽喜燒●醋漬松葉蟹●蟹肉丸子●匯煮●醃漬小菜●水果
- 最好味道是芝士焗蟹肉(壽喜燒？)及火鍋後專人為你煮的蟹粥。
- 雖然這裡的套餐是一人份量，但其實兩個人食一個餐已經好夠飽(果個蟹粥足足有三大碗，一個人點食呀？)



第八站：狸小路買手信
- 狸小路好長，不過唔係真係好多野行
- 我們入咗間大機舖打機夾公仔，入咗間"企鵝"店睇無聊野
- 最重要係搵到傳說中的九折免稅手信店買手信。在這裡，我們終於遇上香港人喇~ 原來許多旅行團都會帶人來這裡買手信。我見d師奶買幾十盒白之戀人朱古力，真係目瞪口呆！
- 最後，我都買左一盒白之戀人、兩盒KitKat夕張蜜瓜味朱古力、北海道地圖夕張蜜瓜味朱古力、CheeseCake、及大大盒的北海道什錦食品禮盒。
- 在北海道買手信度度都有，價錢都係公價。這裡免稅再九折真係好抵。我好後悔沒有買多d返來俾自己食…

第九站：晚餐@味之時計台
- 點解人地有咁多分店，好簡單，因為又平又好食囉！
- 推介之一：牛油粟米醬油拉麵